തമിഴ്നാട്ടിലെ ഏറ്റവും കൊലകൊമ്പനായൊരു പ്രായം വന്ന ഡോണ് -സേനാപതി, അദ്ദേഹത്തെ മൂന്നു മക്കളായ വരതരാജൻ (വരതൻ), ത്യാഗരാജൻ (ത്യാഗു), എതിരാജ് (എത്തി). വരതൻ അച്ഛന്രെ വലം കയ്യായി നാട്ടിൽ തന്നയാണ് താമസം, ത്യാഗു ദുബൈയിൽ പല ബിസിനസ്സുമായി കഴിയുന്നു, അവസാനത്തെ മകൻ എത്തി സെർബിയയിൽ ആയുധങ്ങളുടേയും ഡ്രഗ്സുകളുടേയും കച്ചവടവുമായ് മുന്നോട്ട് പോകുന്നു. ഒരു പ്രത്യേക സാഹചര്യത്തിൽ ത്യാഗുവിനേയും എത്തിയേയും നാട്ടിലേക്ക് വിളിച്ചു വരുത്തുകയും തുടർന്നുള്ള സംഭവങ്ങളുമാണ് സിനിമ പറയുന്നത്. ട്രൈലറിൽ കാണിച്ചത് പോലെ തന്നെ അടുത്ത സേനാപതി ആര് എന്ന ചോദ്യവുമായി തന്നെയാണ് സിനിമ സഞ്ചരിക്കുന്നത്.
Movie: Chekka Chivantha Vaanam (2018)
Direction: Mani Ratnam
Cast: Aravind Swami.Silambarasan, Vijay Sethupathi, Arun Vijay, Jyothika, Aditi Rao Hydari, Aishwarya Rajesh, Dayana Erappa, Prakash Raj, Jayasudha, Thiagarajan
Language: Tamil
കണ്ടു പഴകിയ കഥ തന്നെയാണ് ചെക്ക ചികന്ത വാനവും, നിറങ്ങളേകിയും സംഗീതം കൊണ്ടും ഇഷ്ടതാരങ്ങളാലും പ്രേക്ഷന് സംതൃപ്തി നൽകാനാണ് മണിരത്നം ശ്രമിച്ചതെന്ന് തോനുന്നു. മണിരത്നത്തിന്രെ അരുമ ശിഷ്യൻ ബിജോയ് നമ്പ്യാർ സംവിധാനം നിർവ്വഹിച്ച സോളോയിലെ വേൾഡ് ഓഫ് ശിവയുടെ കാരട്റ്രൈസേഷൻ സ്ട്രക്ചറും മൂഡുമാണ് ചെക്കതികന്തവാനവും നൽകുന്നത്, ഓരോ കാരക്ടറുകൾക്കും അളന്നു മുറിച്ചുള്ള കാരക്ടർ പ്ലാൻ മണിരത്നത്തിന് ഉണ്ടായിരുനെന്ന് നമുക്ക് സ്ക്രീനിൽ കാണാൻ സാധിക്കും.
സേനാപതി (പ്രകാശ് രാജ്), വരതൻ (അരവിന്ദ് സാമി), ത്യാഗു (അരുണ് വിജയ്), എത്തി (സിലമ്പരസൻ) എന്നി വർക്കു പുറമെ ഉഴപ്പൻ പോലീസ് ഓഫീസറും വരതന്രെ സ്കൂൾ സുഹൃത്തുമായ റസൂൽ (വിജയ് സേതുപതി), വരതന്രെ ഭാര്യ ചിത്ര (ജ്യോതിക), ത്യാഗുവിന്രെ ഭാര്യ രേണു (ഐശ്വര്യ രാജേഷ്), എത്തിയുടെ പ്രണയിനി ഛായ (ഡയാന എരപ്പ), സേനാപതിയുടെ ഭാര്യയും വരതൻ, ത്യാഗു, എത്തി എന്നിവരുടെ അമ്മയുമായ ലക്ഷ്മി (ജയസുധ) എന്നിവരെല്ലാം നല്ല പർഫോമൻസ് തന്നെയാണ് കാഴ്ചവെച്ചിരിക്കുന്നത്. മൾടി സ്റ്റാർ കാസ്റ്റ് ആയത് കൊണ്ട് തന്നെ പലപ്പോഴും പലരേയും വേണ്ട വിധത്തിൽ ഉപയോഗിച്ചിട്ടില്ലേ എന്ന ഒരു സംശയം മനസ്സ് ചോദിച്ചെന്നു വരാം. കൂട്ടത്തിൽ എനിക്ക് ഏറ്റവും ഇഷ്ടമായത് അരുണ് വിജയ് നെ ആണ്. “അവർക്ക് രണ്ട് മുഖമിരികക്ക, ഒണ്ട് പാസമായിരിപ്പാർ, നല്ല ഗവനിപ്പാർ, അന അതിക്ക് പിന്നാലെ വേരെയൊരു മുഖം…”
മുമ്പ് ഫഹദിനെ കാസ്റ്റ് ചെയ്തു എന്നൊരു ന്യൂസ് വന്നിരുന്നു. സിനിമ കഴിഞ്ഞപ്പൊൾ ട്രൈലിറിലെ 0:48 ൽ കാണിക്കുന്ന ഗെയ്റ്റ് തുറന്നു വരുന്ന തുടർ സീനുകളെ ആലോചിച്ചപ്പോൾ ആദ്യം ഓർമ്മ വന്നതു കുണ്ടിക്ക് തീ പിടച്ചത് പോലെ ഓടുന്ന വണ് ബൈ ടുവിലെ ഫഹദിനെയാണ്. നല്ല ഉയരവും തടിയും ശരീരവുമുള്ള അരുണ് വിജയ്ക്ക് കിട്ടുന്ന സ്ക്രീൻ പ്രസൻസ് ആ സീനുകളിൽ ഫഹദിന് ഒരിക്കലും നൽകാൻ സാധിക്കുമായിരുന്നില്ല.
നാട്ടിലുള്ളവർക്ക് സന്തോഷ് ശിവന്രെ മനോഹരമായ വിശ്വലുകൾക്കും എആറിന്രെ സംഗീതത്തിനും ഇഷ്ടനടന്മാരുടെ നാട്യത്തിനും വേണ്ടി ആസ്വദിച്ചു കണ്ടിരിക്കാവുന്ന ഒരു മാസ്സ് എന്രർടൈനർ തന്നെയാണ് ചെക്കചികന്തവാനം.
32-43 യുഎഇ ദിർഹംസ് ഒക്കെ കൊടുത്തു കാണുന്നവര്ക്ക് എന്തിനാണ് ഞാനിതിന് കേറിയത് എന്ന ചിന്തകൾ വരാനുള്ള സാധ്യതകൾ വളരെ കൂടുതലാണ്.
ഓരോ ആളുകളുടേയും ചിന്തകളും ആസ്വാദന രീതികളും പലതരം ആയത് കൊണ്ട് തന്നെ Please do watch in theaters.
©Kalpakam