Boomerang (2018)
Language : Bengali
Duration : 75 Minutes
Direction : Sudipta Majumdar
Cast : Sujan Mukherjee, KanchanMullick, Paran Bandopadhyay & Anindita Bose .
റീമേക്ക് രാജ – ദക്ഷിണേന്ത്യയിലെ സകലമാന ഹിറ്റ് ചിത്രങ്ങളുടേയും റീമേക്ക് ചെയ്യുന്ന ബംഗാളിലേ ഒരു മുന്‍നിര സംവിധാകരില്‍ ഒരാളാണ് അക്ഷര്‍ നന്ദി (സുജന്‍ മുഖര്‍ജി). തുരുതുരാ റീമേക്കുകള്‍ പ്രേക്ഷര്‍ക്ക് അലോസരമായ് തുടങ്ങിപ്പോള്‍ അദ്ദേഹം പുതു കഥകള്‍ക്കായ് തേടുകയായിരുന്നു. അപ്പോഴാണ് അവിചാരിതമായ് അദ്ദേഹത്തിന്രെ വീട്ടിലേക്ക് കോമാളി എന്ന് തോനിപ്പിക്കുന്ന രീതിയില്‍ ചിരിപ്പിക്കുന്ന സംസാര രീതികളോടെ ഒരു സെയില്‍സ്മാന്‍ കടന്നു വരുന്നത്. അദ്ദേഹം തിരികെ നടന്നപ്പോള്‍ വെച്ചുമറന്നൊരു ഡയറി സംവിധായകന്‍ അക്ഷരിന്രെ ശ്രദ്ധയില്‍ പെട്ടു. അക്ഷര്‍ തേടികൊണ്ടിരിക്കുന്ന ‘ആ കഥ’ ഡയറിക്കുറിപ്പുകളുടെ അകകടലാസുകളില്‍ അക്ഷരങ്ങളായി കിടപ്പുണ്ടായിരുന്നു. തുടര്‍ന്നുള്ള സംഭവങ്ങളാണ് സിനിമ പറയുന്നത്.
ബൂമാറാങ് നാല് കാഥാപാത്രങ്ങള്‍ക്കുള്ളിലാണ് നടക്കുന്നത് – സംവിധായകന്‍ (സുജന്‍ മുഖര്‍ജി), അദ്ദേഹത്തിന്രെ കാമുകി (അനന്തിത ഹോസ്), സെയില്‍സ്മാന്‍ (കാന്‍ചന്‍ മുല്ലിക്) പോലീസ് ഇന്‍സ്പക്ടര്‍ (പരണ്‍ ഭന്തോപാത്യായ്). സ്ഥിരം മറ്റുള്ളവരുടെ സൃഷ്ടികള്‍ പകര്‍ത്തുകയും, റീമേക്ക് ചെയ്യുകയും മോഷ്ടിക്കുകയുമൊക്കെ ചെയ്ത് സ്വന്തം സൃഷ്ടിയായ് ഉയര്‍ത്തികാണിക്കുന്ന സിനിമാകാര്‍ക്കെതിരെയുള്ള ഒരു ആക്ഷേപ ഹാസ്യമാണ് ഈ സിനിമ.
”നമ്മള്‍ ചെയ്യുന്ന
കര്‍മ്മങ്ങള്‍ നമ്മിളിലേക്ക് തന്നെ തിരിച്ചു വരും”
എന്ന കര്‍മ്മ തത്വമാണ് സിനിമ സംവദിക്കുന്നത്.
ബ്യോമ്കേഷ് സീരിസുകളുടെ സിനിമടോഗ്രാഫര്‍ ആയിരുന്ന സുദിപ്ത മജുംദറിന്റെ ആദ്യ സംവിധാന സംരംഭം ആണ് ബൂമരാങ്. അഞ്ചു ദിവസം കൊണ്ടാണ് ഈ സിനിമയുടെ ചിത്രീകരണം പൂര്‍ത്തീകരിച്ചത്. മിനി സ്ക്രീനിലേക്ക് വേണ്ടി നിര്‍മ്മിക്കപ്പെടത് ആയത് കൊണ്ട് തന്നെ ചിലപ്പോഴൊക്കെ ഒരു അസ്വാരസ്യം അനുഭവപ്പെട്ടെന്നിരിക്കാം. കോമഡി-ഡ്രാമ നിരയില്‍ സഞ്ചരിക്കുന്ന സിനിമ ഇടക്ക് പുളകോദ്‌ഗമാക്കുന്ന ഭൂതഗണങ്ങളും നല്കുന്നുണ്ട്.
സ്ഥിരം ബംഗാളി സിനിമകള്‍ കാണുന്നവര്‍ക്കും മിനിസ്ക്രീന്‍ നര്‍മ്മ സിനിമകള്‍ ഇഷ്ടമുള്ളവര്‍ക്കും കണ്ടിരിക്കാവുന്ന ഒരു ചിത്രം തന്നെയാണ് ബൂമറാങ്.
©kalpakam
കൽപകം 